minn L Cunningham
Tard is-Sibt filgħaxija, kif kien imħabbar, is-sewwieq Noel Baldacchino rrappreżenta lil Malta fit-tieni tappa tal-Kampjonat tal-Mediterran għal sewwieqa tat-trott.
Sfortunatament id-debba li saq Baldacchino ma kinietx tidher f’forma sabiex tikkompeti maż-żwiemel l-oħra u għalkemm huwa għamel l-aħjar li seta fic-cirkostanzi, kien il-ħin kollu qed jokkupa l-aħħar postijiet tat-tiġrija. Ir-rebbieħ kien it-Taljan Matteo di Meo biż-żiemel Merico.
Għalkemm il-partecipanti kienu tmienja pero 5 biss kienu qed jippartecipaw fil-Kampjonat tal-Mediterran għalhekk bl-iskwalifika kmieni fit-tiġrija tar-Russu Alexander Popov, Noel ġie klassifikat fir-raba’ post hekk kif il-Franciż Jean Paul Fasquelle ġie t-tieni u s-Sloven Gojanc spicca t-tielet.
Dawk li jridu jaraw filmat ta’ din it-tiġrija jistaw jagħmlu dan minn fuq is-sit elettroniku www.gaet.it
Ir-Riżultat komplet kien dan:
1. Merico (Matteo di Meo) Italja – 1’17”3
2. Olding As (Francesco La Rosa Jr.) – 1’17”4
3. Mclaren UR (Cesare Ferranti) – 1’17”8
4. Naivasha (Jean Paul Fasquelle) Franza – 1’18”2
5. Osiris Joy (L. Gorjanc) Slovenja – 1’18”5
6. Ieper (Salvatore D’Aluisi) – 1’18”7
7. Novi Ligure (Noel Baldacchino) Malta – 1’18”9
Dis Gadoni (Alexander Popov) Russja