Nhar il-Ġimgħa 13 ta’ Settembru jerġa jiftaħ l-istaġun tat-tiġrijiet lokali bi programm mimli li jikkonsisti f’10 tiġrijiet tat-trott fuq distanza ta’ 2140m u waħda tal-galopp fuq distanza ta’ 1250m.
L-ewwel tiġrija tibda fis-6:30 p.m. u tkun għall-Klassi Copper. It-tiġrija prinċipali tkun dik għall-klassi Premier li tibda fid-9:40 p.m. u hija mimlija b’16 il-żiemel. Tal-galopp tkun il-5 tiġrija tal-programm u fiha biss 4 t’iżwiemel li minnhom tnejn ikun qed jagħmlu d-debutt tagħhom lokalment.
Barra t-tnejn tal-galopp, 6 t’iżwiemel oħra tat-trott ser ikunu wkoll qed jiddebuttaw.
Infakkru wkoll li s-sidien u l-ġerrejja membri tal-Malta Racing Club matul is-Sibt u l-Ħadd ser ikunu qed jivvutaw sabiex jeleġġu r-rappreżentanti tagħhom fil-Kunsill tal-Malta Racing Club.
Lorraine Cunningham
Public Relations & Media Officer
Malta Racing Club
Programm: http://www.maltaracingclub.com/meeting.php?id=272
MRC/08/13