Dalgħodu fil-board room tal-Malta Racing Club saret konferenza stampa sabiex jingħataw l-aħħar dettalji dwar il-finali sponsorjata mid-ditta ta’ l-assigurazzjoni Mapfre Middlesea riservata għall-klassi Premier.
Apparti ic-Chairman tal-Malta Racing Club is-Sur Edwin Borg u l-uffiċjali tal-Malta Racing Club preżenti kien hemm ukoll is-Sur Fernando DoCampo Assistant General Manager tal-kumpanija Mapfre Middlesea kif ukoll is-sidien taż-żwiemel finalisti.
Nhar it-12 ta’ Ġunju ingħata bidu għall-kampjonat tas-Sajf fejn iż-żwiemel kellhom jiġru massimu ta’ tliet heats li fihom ingħataw punti skond il-pożizzjoni li spiċċaw fiha f’kull tiġrija. B’kollox saru 6 laqgħat ta’ tiġrijiet kull nhar ta’ Ġimgħa u fil-klassi Premier kienu 28 żiemel li akkwistaw punti peress li spiċċaw ta’ l-inqas darba fl-10 post. Minn dawn l-aktar 12 li marru tajjeb ikkwalifikaw għall-finali u dalgħodu fil-preżenza tas-sidien ittellaw in-numri li bihom dawn iż-żwiemel ser jitilqu wara l-karozza tat-tluq nhar il-Ġimgħa filgħaxija.
It-tnax il-żiemel bil-ġerrejja probabli ser jiġru hekk:
1. Quartz de Chenu – Michael Ellul
2. Indigo Broline – Eugenio Bondin
3. Quartz de Vindecy – Carmelo Farrugia
4. Princess View – Jonathan J. Farrugia
5.. Quillan Joyeux – Andrew Farrugia
6. Quattro d’Arline – Cliferty Calleja
7. Qui Sait – Rodney Gatt
8. Donald Duck Tooma – Charles Camilleri
9. Wee Catch Diamond – Julian Farrugia
10. Cloria Victis – Caillin Borg
11. Printemps de Gaia – Johann Axisa
12. Quartz Pierji – Frank Abdilla
It-tiġrija mistennija tkun is-6 waħda fil-programm u tibda fid-9:05 p.m. Id-distanza tkun waħda ta’ 2140m u l-premju totali huwa ta’ €2400 bir-rebbieħ jieħu €1350. Barra minn hekk is-sidien ta’ dawk iż-żwiemel li jispiċċaw fl-ewwel erba’ postijiet jingħataw trofej u ż-żiemel rebbieħ jingħata wkoll għata kommemorattiva.
F’isem is-sidien u d-dilettanti kollha tat-tiġrijiet taż-żwiemel nixtiequ nirringrazzjaw lid-ditta Mapfre Middlesea li mill-ewwel urew ix-xewqa li jassoċċjaw ruħhom mat-tiġrijiet taż-żwiemel meta kienu qed jagħmlu r-rebranding tal-kumpanija.
Il-programm ta’ nhar il-Ġimgħa ikun jikkonsisti minn 7 finali u jkun l-aħħar wieħed qabel il-waqfa tas-Sajf. L-istaġun mistenni jerġa jissokta nhar it-18 ta’Settembru.
Lorraine Cunningham
Public Relations & Media Officer
Malta Racing Club
MRC/18/15