Il-Kunsill tal-Malta Racing Club qed jippjana li ssir Tiġrija Monte nhar il-Ġimgħa 15 t'April bejn 8 t'iżwiemel fejn erbgħa jinstaqu minn Sewwieqa nisa Svediżi u erbgħa minn Sewwieqa Maltin. Din it-tiġrija ser tkun fuq format gymkhana b'distanza ta' 2140m.

Il-pjan hu li ssir Klassi Silver bil-possibilta li ssir ukoll waħda Klassi Premier.

Il-premju tat-tiġrija ikun wieħed aħjar minn tiġrija normali fejn l-ewwel premju tas-Silver mistenni jkun ta' 630 ewro u dak tal-Premier 900 ewro. Tingħata wkoll tifkira lir-rebbieħ tat-tiġrija.

Peress li għal tiġrija bħal din iridu jsiru preparamenti minn qabel kemm mis-sidien kif ukoll mis-sewwieqa min hu nteressat li jikteb iż-żwiemel tiegħu għandu jikkuntattja lil Mark Consiglio fl-uffiċju tal-Malta Racing Club. Il-kitba propja tkun nhar it-2 u 3 t'April u jekk ikun hemm aktar minn 8 t'iżwiemel dawn jintgħażlu skond il-punti.

Is-sewwieqa mistiedna Svediżi huma dawn bir-rebħiet f'dawn l-aħħar ħames snin:

Asa Svensson (104 rebħiet)
Emilia Leo (35 rebħa)
Iina Aho (26 rebħa)
Nathalie Blom (12 il-rebħa)

Is-sewwieqa Maltin jintgħażlu mis-sidien.

Lorraine Cunningham

Public Relations & Media Officer

Malta Racing Club

MRC/02/16